唔知各位有無去睇“開飯喇”呢？ 大家覺得點呀？
 我睇完之後，梗係覺得好睇啦，
不過俾我最大0既感覺， 係熊熊真係用0左好多時間同心機去排練， 無論各位負責司儀、話劇、又或者跳舞0既熊熊成員,
對自己要負責0既部份都好熟悉， 大家配合得好好， 好流暢。
一開始0的小演員由觀眾席走上台， 又利用觀眾大叫“開飯喇”做話劇0既開始， 而全劇亦用互動0既形式， 互動0既對象包括觀眾同指揮葉詠詩姐姐，
我覺得0甘幾好， 可以俾人一種台上台下打成一片0既感覺。
 選擇司儀方面，
今次都幾適合， 因為成個劇都係開心0既， 衍珩同皓文都俾人一種開心0既感覺。 唔知大家有無覺得熊熊0既小司儀都有自己唔同0既風格呢？
好似容儀、懿森、芷婷、天欣佢地， 俾人0既感覺好淡定， 好正經， 比較適合做一0的咩開幕禮、典禮之類0既司儀。而衍珩、皓文、芝瑛就比較活潑。（其實呢0的純粹係我0既感覺，
我又唔識佢地， 可能我口中正經0既都有活潑0既一面， 我口中活潑0既又有正經0既一面， 0甘呢0的就要等熊熊0既領導人同導師去發掘啦。）
 六位主要演員都表現得好好，有0的可惜0既係慧瑩同思齊無獨唱0既機會（只係係“媽媽好”中唱0左一句0甘多）。靜文同芝瑛都表演得好好，靜文唱0左一小段0既“帝女花”，真係好似版主0甘形容“技驚四座”，而芝瑛唱歌又有進步，比上年聖誕節時獨唱Jingle
Bells更加進步。
 舞蹈組0既小朋友呢，
跳舞就跳得好喇， 拍字感強， 不過略厭少0左0的笑容。 另外不得不讚0下熊熊0既排舞老師， 唱“雞公仔”0既時候，
有六位幼熊（我諗係幼熊掛）表演跳舞， 著白衫藍褲， 戴黃色魚夫帽0既小朋友呢， 佢地真係跳得好好， 0甘當然亦有小小0既出錯啦，
但係絕對可以接受，因為佢地0既舞步一0的都唔簡單， 全部都集中係雙腳0既踏步同踢腳動作， 要0的0甘細0既小朋友記得0的0甘相似0既動作，
重要加上音樂， 配合拍字， 又要記得走位， 真係佩服熊熊0既排舞老師， 亦要讚0下呢幾位小朋友0既表現。
 最後到合唱組喇，我覺得合唱組唱得略為細聲，0甘當然關音響事啦，一的負責和唱0既部份，
好似由天欣同芝瑛主唱0既“食物大鬥法”， 合唱組0甘0既聲就差唔多， 但係其他由合唱組主唱0既歌呢， 如果唔熟悉首歌，
就要好留心先聽到歌詞啦。
 而整個音樂會尾部0既“庖廚樂”，
都有兩位熊熊成員參與表演， 呢兩位小朋友唱歌亦較為細聲， 咬字模糊0左0的， 加上場刊又無歌詞， 真係唔係好知佢地唱咩。
其實佢地唔應該唱成0甘， 因為高0的做哥哥0個個(對唔住， 我唔知佢叫咩名)，我聽過佢唱山歌， 佢唱得好好， 聲線響亮,
咬字又清， 拍埋慧瑩度一0的都唔會比下去， 但係當日我見佢個咪唔係好對口位， 可能因為0甘收音收得唔係0甘清楚。而做細妹0既綺婷，
一向把聲又比較柔弱, 兩個因素加埋， 就出現在0甘0既效果。
以上只係一0的我好個人0既感覺， 或許有好多唔妥善0既0地方， 希望大家唔好介意。
P.S.我係睇７月１４日0個場表現咖！
- 網友 : copycat 7/15/2001 熊熊四坊街 留言 |
